En attendant la response amyable,
De mon escrit de petite valeur :
Je vous supply luy estre favorable,
Tout aussi bien que s’il estoit meilleur.
Car s’il estoit possible voir le cueur
Du supliant qui se vient à vous rendre,
Laissant l’escrit vous voudriez le cueur prendre :
Qui tant est vostre à dire verité,
Que mile fois se voudroit rompre et fendre,
Pourveu qu’il eust vostre Amour merité.